Poslovne vesti - Makedonija

"В за Виталност"

Компанијата за здрава храна "Виталиа" неодамна на пазарот ја претстави својата нова линија на житни продукти "В за Виталност", која е специјално наменета за активни и динамични лица кои сакаат нискокалоричен здрав оброк кој ќе им помогне во одржувањето на виталноста и неопходната енергија во текот на денот.

"В за Виталност" линијата е составена од мултижитен оброк и мултижитен бар кои се одлична надополна на дневното мени, посебно во летните денови кога имаме потреба од лесен и нутритивно богат оброк.

Со оваа нова линија Виталиа ја надополни својата богата палета на житни продукти потврдувајќи се како лидер во производството на мусли, житни барови и снегулки во Македонија и регионот.

Новата линија "В за Виталност" ќе биде промовирана на првата македонска фитнес конвенција Виталиа Фитнес Фест 2012" во чии рамки ќе се одржи најголемото групно вежбање на зумба, фитнес и аеробик под отворено небо. На настанот кој денеска ќе се одржи во скопскиот градски парк на школка од 12 до 15 часот, свој перформанс ќе имаат инструкторите од денс-фитнес клубовите од Македонија. Во овие три часа посетителите ќе имаат можност да уживаат во латино музиката, да ги пробаат новите производи на Виталиа и да учествуваат во наградната игра.